зат. 1 . Судан (өзеннен) кешіп өтуге болатын таяз жер .

Суықтан шанағынан шыққан қарасуда сең жүріп, өткел бермейтін болды (4,125).

2 . Қалың елдің арасынан адамдар өту үшін арнайы қалдырылған жол .

Римдіктер мүшел тойын жатқан кезде атқарып,

Жұрт нөпірі жүрмеуі үшін кептеліп те қапталып,

Екі жерден өткел жасап бөлетұғын қақ жарып (5,84).

3 . ауыс. Ауыр азап, қиыншылық .

Әкемді неге ұмытам кетпенімен,

Жалаңаяқ жұмысқа кеткенін мен.

Мен үшін, менің алғы күнім үшін,

Өткен-ді талай азап өткелінен (1,58).

Өмірдің қысы, жазы, көктемдері,

Қысылтаяң шақтары, өткелдері .

Адамның аққан қаны, төккен тері,

Мұратқа жетпегені, жеткендері

– Жанымды жеп жүр менің көптен бері (3,181).