(шендестіру—1) Кереғар ұғымдарды бетпе-бет қоятын айшықтаудың (фигураның) бір түрі. Екі затты, не құбылысты шеңдестіру арқылы басқа бір құбылыстың, ұғымның, нәрсеңің суреті, сыр-сипаты, кескін-кейпі аңғарылады. Қазақ әдебиетінде фольклордан бастап қазіргі қазақ әдебиетіне дейін қолданылады. Мыс., «Қара жерге қар жауар, Қарды көрде етім көр» («Ер Тарғын») «Қар — аппақ, бүркіт — қара, түлкі — қызыл. Ұқсайды қаса сұлу шомылғанға» (Абай). 2) Қазіргі әдебиеттанудағы қарама-қарсылықты (контрасты) айқындау, көбінесе ашық, антоним сөздер арқылы да беріледі. Мұнда автор ойы ол қолданған сөздердең тереңде жатуы да мүмкін. «Күлемін де жылаймын, Жылаймын да күлемін» (К. Аманжолов): «Өссе тілім, мен де бірге өсемін, Өшсе тілім, мен де бірге өшемін» (Ә. Тәжібаев). А-ның бір түрі — антиметабола деп аталады. Әбсеметов М.