аттың түгін тарайтын тарақ, жылқыны баптап, күтуге арналған құрал. Ұзақ жол жүру, алысқа шабу, жүк арту т.б. жағдайларда терлеген жылқыдан бөлінген тұз түгіне жабысып, сор болып кеуіп қалғанқалдық пен шаң-тозаңды түсіру үшін А.-пен тарап тазалаған.                                                                                                                                                                                                  Оны көбінесе жалпақ қақ сүйектен жасаған. Ол үшін жіліншік сүйекті ортасынан қақ жарып, ағаштың аша бұтағына шегелеп, қырлы қапталына егеумен бедерлеп, тіс тәрізді жүз салады. А. жүзінің тереңдігі пышақ сыртындай, яғни 3-5 мм шамасында болады. Сондай-ақ А.-қа құстың ұзын тұмсықтарын (айталық, бірқазанның) пайдаланса, ат желдей жүйткитін жүйрік болады деп сенген. Ондай А. түрін қырғыш деп те атаған. Ертеде А.-тың сандал, жаңғақ ағашынан дүзі жиі жасалған пұшты деп аталған түрі болған.