әдеби шығарманың автордың өз қолымен жазылған түпнұсқасы. Шығарманың авторлық қолжазбасы болуының үлкен мәні бар. Бұл авторлық текст басылымдар тұсында қандай өзгеріске ұшырағанын білуге, пайымдауға, қажет жағдайда ғылыми-текстологиялық түзетулер жасап, алғашқы нұсқасын қалпына келтіруде мүмкіндік береді. Ертерек кездегі қазақ әдебиетін зерттеудегі бір қиындық — шығарманың авторлық қолжазбасы сақталмауы. Мысалы, Абай шығармаларының басым көпшілігі бізге Мүрсейіт қолжазбасы арқылы жетті. Кейбіреуі кейінірек білетін адамдардың айтуынша жазылып алынды... Бекниязов Т.