жастар мен балалар ойнайтын ұлттық ойын түрі. Белбеу тастау «белбеу соқты» деп аталатын ойынға ұқсас, алайда өзіндік ерекшеліктері де бар. Шеңбер жасап, дөңгелене отырған ойыншылардың сыртынан айналып жүрген ойын бастаушы есілген белбеуді немесе түйілген орамалды бір ойыншының артына білдірмей тастайды. Ойын шарты бойынша артына бұрылып қарамай отыратын ойыншы белбеу тасталғанын сезсе, белбеуді қолына ала, орнынан тұра сап бастаушыны қуады. Бастаушы отырған адамдарды айнала қашып, ойыншының орнына жетіп үлгеруі керек. Бос орынға жеткенше қуған адамның сілтеген белбеуі денесіне тисе, ұтылған болып саналады да, ойыншы айып тартып, ән, өлең айтады, соң белбеу тастауды әрі қарай жалғастырады.                                                                                                                                                                                                                                                              Ал белбеу ұстаған ойыншы ұрып үлгере алмаса, айыпты саналып, отырғандардың қалауын орындап, өнерін көрсетеді де, өзі белбеу тастауға кіріседі. Артына тасталған белбеуді бастаушы қайта оралғанша сезбеген ойыншы айыпты болумен қатар соққы жейді, яғни белебеумен арқасынан ұрады. Ойын осылайша айыпты болғандардың өнер көрсетуімен (өлең айту, тақпақ айту т.б) жалғаса береді.                                                                                                                                                                                                                                                        Белбеу тастау ойынының келесі бір түрінде ойыншылар екі топқа бөлініп, қарама-қарсы тұрады. Екі топтың дәл ортасына тасталған белбеуді берілген белгі бойынша жүгірген екі жақтың екі ойыншысы келіп алуы тиіс. Белбеуді бұрын келіп алғаны үлгермей қалып, кері қашқан қарсы топтың ойыншысын қуып, қолындағы белбеуімен ұруы керек. Қуып жетіп ұрып тигізсе, ойыншыны «тұтқындап», өз тобына қосады. Осылайша қай топ көп ойыншы жинаса, сол жеңіске жеткендігі болып есептеледі. Ұтылған топ өнер көрсетіп, айып тартатын болған.