ет. Бояу жағылу, түсін өзгерту, белгілі бір түске ену .

Жас дәрігер қабырғалары кісі бойы тұсқа дейін жасыл түспен боялған жіңішке ұзын коридорға бастап кіріп, қапталдағы бірінші бөлменің есігін ашты (Т.Әбдіков, Күз.).

Ондатрдың терісі кейде сол күйінде, ал кейде басқа қымбат аң терісіне қосып боялып та әртүрлі киімдер - әйелдің тоны, баскиім, жаға жасауға пайдаланылады (Х.Қыдырбаев, Дала көркі).

Бір ғажабы: үстіне су тисе - ақ болды, түсі нашар боялған матадай оңа кетеді (Қ.Қайымов, Қызықты зоол.).

Айналаның бәрі көгілдір түске боялып, аспан мен жер астасып кеткендей көрінеді (Балдәурен).

Қанатын керіп ауаға

Құстар да жаңа оянған,

Эльбрус шыңы бағана- ақ,

Алғашқы нұрға боялған (С.Жиенбаев, Алтын қалам).