сын. 1. Бұлдырық сияқты, бұлдырық тәрізді.

Сезесің жүрек қылын бұрағанын,

Естисің әлдекімнің жылағанын.

Шырылдап бозторғайдай көтеріліп,

Сорғалап бұлдырықтай құлағанын (Қ.Тоғұзақов, Сібір Омар).

2. ауыс.Кіп- кішкентай, тым шағын.

Ердің атағы туырлықтай, өзі бұлдырықтай (Мақал-мәтел).

Үлкен әжеміз келе жатыр екен. Өзі бұлдырықтай ғана жан еді (Ж.Молдағалиев, Тыңдағы.).

3. ауыс. Өте тез, жылдам.

Жіңішке бойың нәзік қылдырықтай,

Сүйтсе де сөзің ұшқыр бұлдырықтай.

Қу, бала-ау, бала демей, не деуші едім,

Көзіме көрінесің жұдырықтай (Айтыс).

Күміс қанат қыран қонысымен найзаларын түбінен кезей ұстаған спортшыдай қоңыз мәшине бұлдырықтай безіп береді (С.Бердіқұлов, Пердесіз.).