1) «оймалы» («тостағандап») жоғарғы бөрененің астыңғы жағынан төменгі бөрененің диаметрі бойынша жарты дөңгелек тәрізді ойық ойылады. Бұрыштарда бөренелердің шет жақтары перпендикуляр қабырға бетінен шығып тұрады. Тостаған бөрененің жартысына дейін ойылады; 2) «табантүйісті», «тиекті» – бұрыштарда бөренелердің шеттері жасырын тістермен жалғастырылады және олардың шеттері перпендикуляр қабырға бетінен шықпайды; 3) «инелі» – бөрененің бір шеті «қарапайым тостаған» әдісімен жалғасады, екінші шеті – екі кантқа жонылады және келесі бөрененің бүйірінде ойылған ойыққа кіргізіледі; 4) «қималы» – тостаған жартылай емес бөрененің ширек бөлігіне дейін ғана ойылады, сонда бөренелер арасында саңылау қалады. Бұл тәсіл от жағылмайтын үй-жайлар қимасында (шаруашылыққа арналған құрылыстар және т.б.) бөренені үнемдеу мақсатында қолданылады.