з а т е с і м. т е х н и к а л ы қ. Жүктерді аздаған биіктікке (әдетте, 0,5-22 м-ге дейін) көтеруге арналған тұрақты, тасымалдағыш немесе жылжымалы механизм. Ол жетегінің түріне қарай қол д о м к р а т ы және электр д о м к р а т ы болып, ал жұмыс істеу әрекеті мен құрылымдық ерекшелігіне сәйкес рейкаль домкрат, винтті домкрат және гидравликалық домкрат болып ажыратылады (ҚҰЭ). Дала жағдайында тракторды д о м к р а т п е н көтеру үшін тракторист көп уақыт және күш жұмсайды (Тракторист.). Бұрын вагондарды жөндеуден өткізу үшін олар қол д о м к р а т т а р м е н көтерілсе, енді бұл жұмыс электр күшімен атқарылады («Соц. Қаз.»). Қапелімде тележканың алдын көтеріп, дөңгелекті кигізетін д о м к р а т жоқ («Лен. жас»).