модаль сөз. Бір істі, әрекетті қолдау, құптау мағынасында жұмсалатын сөз.

– Ендеше, жарайды, Теміркені көндіруді мен мойныма алайын (Ә.Нұрпейісов, Сергелдең). Жарайды, Қаратау, Шу, Сыр бойының қазақтарының басын қосуға біз рұқсат берейік делік (I.Есенберлин, Қаһар). – Ә, бәтшағардың айтып отырған сөзін. Ұятты ойлайсың, ә, тағы! Жарайды, жақсылықпен біткен істің бәрі де жақсы (Б.Нұржекеев, Күтумен өт.). – Жарайды, жігітім. Үйге жүріп қымыз іш! – деді (І.Жансүгіров, Шығ.).