дәстүрлі наным-сенімге негізделген пәле-жаланы аластауға, көшіруге арналған ғұрыптық зат. Ертеде адам мен малға келген ауру және оны тудырушы зиянкес күштерді көшіру үшін қуыршақ жасаған. Оны – көшірме деп атайды.                                                                                                                                                                                                                                       Ауру иелері мен пәле-жаланы тудырушы жындарды өлең түріндегі арбау жолымен және арнайы дұға оқумен көшірмеге көшіруге болады деп сенген. Ауруды, дертті көшіру үшін үшкіру, ұшықтау, соғу, қорқыту, қамшымен ұру сияқты магиялық шараларды да қоса қолданған. Сөйтіп, зиянкес, қасқөй күш ауысқан көшірмені « тоғыз жолдың торабына » апарып тастайды. Кейде оны ағын суға ағызып жібереді немесе қарсы кездескен адамның аяғына астына тастап қашады.