лингв. 11-16 ғ-да көне қыпшақ жазба ескерткіштері тақырыбына, мазмұнына қарай хроникалар, деректемелер, ісқағаздары, жылнамалар, насихаттар, филологиялық зерттеулер (грамматика, сөздік, анықтағыш) және дастан, проза түрінде қыпшақ тілінде жазылған еңбектер. К ө н е қ ы п ш а қ ж а з б а е с к е р т к i ш т е р i төрт түрлі жазумен жазылған: готикалық көне жазу («Кодекс Куманикус»), ескі армян жазуы (Армян колониясының ісқағаздары), араб жазуы (қалған ескерткіштердің бәрі де) және көне ұйғыр жазуы (араб жазуымен жазылған бірліжарым ескерткіштердің кейбір көшірмелері) (Қаз. тілі. энцик.). К ө н е қ ы п ш а қ ж а з б а е с к е р т к i ш т е р i орта ғасырда жасаған қыпшақ тайпаларының сөйлеу тілі мен әдеби тілін көрсететін қазіргі қыпшақ тілдерінің тарихи тамырын және қазақ тілінің жалпы халықтық тіл болып қалыптасу тарихын танытатын аса құнды мұралар (ҚСЭ).