Кім уәде береді, кім дәлел, айғақ болады, сенім бар ма деген мәндегі күмәндануды білдіретін сөзқолданыс. Ойлап тұрса, сол жауы іргесінде, Ойлап тұрса, сол жаудың түрмесінде “Айламен алдарқатып кеткен дұшпан, К і м к е п і л қайта шауып кірмесіне?!” (М.Мақатаев, Шығ.). Өлмейтін пенде жоқ. Шейіт кетті-ау не серке... Бізге де кезек күні ертең Келмесіне к і м к е п і л? (М.Жұмабаев, Шығ.). Ел басқарған ағамыз бізді адастырып кетіпті деп, ертеңгі жастың бізді кінәламасына к і м к е п і л? (М.Дүзенов, Әке.). Баланы өзімен-өзі болды ғой деп, уыстан шығарып алмау керек. Жатырқау дәл осы арадан басталмасына к і м к е п і л? (К.Баялиев, Дегелек.). Космос корабльдерінің қорабын тыстайтын металдың Теміртаудікі еместігіне к і м к е п і л? (Ш.Есмұрзаев, Ильич хаты). Мал аямай пейілді салсаң кеңге, Жарастырар табылар аға-жеңге, Жер өртеуге жетеді бір шағым қу, К і м к е п і л бола алады осы екі елге? (Ш.Құдайбердиев, Шығ.).