зат. заң. Қылмысты ашу және тергеу үшін қылмыстық процесте қолданылатын, азаматтық не қылмыстық істерді қарағанда пайдаланатын техникалық және тактикалық тәсілдер, бұлтартпайтын дәлелдерді жинау және зерттеу әдістері мен құралдары туралы ғылым. К р и м и н а л и с т и к а жаратылыстану және техника ғылымдарының табыстарына сүйене отырып, дәлелдерді табу, сақтау, жинау, баянды ету және зерттеудің техникалық, тактикалық әдістерін өңдейді, жетілдіреді (ҚСЭ). К р и м и н а л и с т и к а ғылымы қылмыстың нақтылы түрлерін (кісі өлтіру, қоғам мүлкін талан таражға салу т.б.) тексергенде қолданылатын тәсілдер жинағы, тергеу методикасы (ҚСЭ). Қылмыстың жасалу жолдарын, оның себептерін зерттеу, сот-тергеу органдарының тәжірибелеріне талдау жасау арқылы к р и м и н а л и с т и к а қылмысты болдырмауға бағытталған профилактикалық шараларды өңдеп, жетілдіре түседі (ҚСЭ).