басшы, жетекші. Топта, ұжымда әдетте жетекшілік міндетін өзіне алатын бір адам болады. Әлеуметтік психологияда мұндай адамды “лидер” деп атайды. Лидер топты ұйымдастыруға және басшылық етуге сайланады не ұсынылады. Лидер әдетте топтың іс-әрекеті жайлы, оның құрамы мен мүмкіндіктері жайлы мейлінше хабардар болады. Ол топ мүшелерімен қатынаста өзін еркін, сенімді ұстайды. Психологиядағы зерттеулерде лидердің мынадай қатынаста қызмет атқаратындығы айқындалған: а) ол топ алға қойған мақсатқа жетудің жолдары мен құралдарын жоспарлайды; ә) топ мүшелері арасында атқарылатын іске жауапты адамдарды белгілейді; б) егер топтың алдына маңызды іскерлік мүдде қойылған болса және бұл топ өндірістік еңбек ұжымы болса, белгілі бір топтық шырай орнатады; в) топ мүшелерінің әлеуметтік белсенділігін дамытады. Психологтар зерттеулерінде мектеп ұжымдарындағы лидердің бірнеше типі болатынын көрсетті.