Меншік катынастарының нақты тұрпатын бейнелейтін белгілі бір тарихи жағдайларда өндіріс құрал-жабдығы мен өнімдерінің белгілі бір тұлғаларға – жеке адамдарға немесе ұжымдарға тиесілілігі. Меншік құқығы нақты субъектілердің белгілі бір объектілерге (мүлікке) құқығы ретінде, әдетте, үш құқықтық құзыретке саяды, олар: мүлікті иелену құқығы, пайдалану құқығы және мүлікке билік ету құқығы. Бұл кұқықтық құзыреттер өзара тығыз байланысқан және тек кешенді түрде ғана меншік құқығының заңи мазмұнын құрайды. Меншік – адамдар арасындағы меншік объектілерінің тиесілілігі, оларды бөлісу, табыстау жөніндегі экономикалық қатынастарда. Меншік мынадай түрлерге бөлінеді: мемлекеттік меншік, азаматтың меншігі (өзіндік меншік), ұжымдық меншік (бірлестіктер мен ұйымдардың меншігі), муниципалдық (жергілікті), жеке меншік.