(пар. нағз نغز) – парсы тіліндегі мағынасы жақсы, керемет, таң қаларлық, әдемі, қазақ тілінде дәл, шын мәнінде деген ауыспалы мағынада жұмсалады.

Қайғы деген адамның нағыз жауы, Сарғаяр запырандай оның түсі («Қисса Жәмшид». Бабалар сөзі. 6-том. 2004. 100 томдық).

Патшаның нағыз ұлындай, Өсірген сипап тұлымдай («Қобыланды» (Н.Байғанин нұсқасы). Бабалар сөзі. 36-том. 2006. 100 томдық).

Нағыз ділмар сөйлесе, Есіткен адам таңданар («Омар Шораяқов». Бес ғасыр жырлайды. ІІІ том. 1985).

Нағыздап білу – жақсылап, нақты білу.

Келмейтұғын хабарын, Нағыздап енді біледі («Қамбар батыр». Бабалар сөзі. 43-том. 2007. 100 томдық).