[лат. parum – аз, affinis – ұқсас] зат. Мұнайдан, көмірден алынатын, сарғыштау түсті, исі, дәмі жоқ, балауыз тәрізді ерігіш зат.

Парафин – қатты қаныққан көмірсутектердің қоспасы, ашық сарғылт түсті балауыз тәрізді масса (Қаз. тілі термин. Химия.).

Парафин қағаз, тоқыма, былғары, сіріңке, май шам өнеркәсібінде, баспада, полиграфияда, электрден қорғағыш материалдар ретінде, химиялық өнеркәсіпте жоғары молекулалы май қышқылдары, спирттер, сабын өндірілетін химиялық шикізат ретінде, медицинада және т.б. жерлерде қолданылады (Қаз. тілі термин. Химия.).

Ембі мұнайынан құрамында күкірт, смола және парафині аз жоғары сапалы жағармай материалдарын алуға болады (М.Бакенов, Қазақст. ресурс.).