жеке адамды тоқырауға ұшырататын психикалық әрекеттерге ауытқуы. Психоз органикалық және функциялық болып бөлінеді. Органикалық психоз мінезқұлық пен ойлаудағы ауытқушылыққа түрткі болатын психоәлеуметтік факторлармен тікелей байланысты. Психозға генетикалық, нейро-эндофиндік және зат алмасу факторлары, сондай-ақ индивидтің психикасына оң генетикалық және орталық жағдайлар түрлі дәрежеде ықпал етеді. Психоз сандырақ сөзден, тұйық мінезден, ортаға үйлеспейтін ретсіз қимылдан, қабылдау қабілетінің ауытқуынан білінеді. Психоз З.Фрейдтің ескертуінше, адамның басқа объект пен кісіге деген көзқарасын өзгертіп, ауруды ортадан алшақтатады да, психоздық процесті үдетеді. Фрейд невроз бен психоздың арасындағы байланысты, яғни тыйым саларлық рәсімді ығыстыратынын, адам өздігінен барды бұрмалайтындығын, сөйтіп шындықтан біртіндеп алшақтай түсетінін немесе жоқ нәрсені өзінше елестететінін ашып берді. Арнайы шипагерлік тәжірибесіз-ақ психозды емдеуге болады.