әкімшілік, шаруашылық жағынан дербес басқарылатын әскери бөлім. Полк атқыштар (жаяу әскер), авиациялық, әуе-шабуылына қарсы қорғаныс, танкілік, механикаландырылған, артиллериялық, инженерлік, байланыс, әуе-десанттық және т.б. болып бөлінеді, Әрбір полктің штабы, үш немесе одан да артық батальоны (эскадрондар, экскадрильялар, дивизиондар, роталар), жабдықтау және тылдағы бөлімдері болады. Көптеген полктер әскери құрамаларға — дивизия мен бригадаларға кіреді. Ал кейбір полктер армияның, майданның және басқа қолбасшының тікелей қарамағында болады, бұл полктер құрамаларға кірмейді. Полктің міндетті түрде нөмірі болады.