з а т. с ө й л. 1. Қызметкер .

Қарлығаш заводтың жас жұмысшылары мен қызметшілері тұратын төрт қабатты үлкен жатақхананың бір бөлмесінде тұрады екен (С.Хайдаров, Құрыш.).

Тұз өндірісіндегі жұмысшылар мен қызметшілер жаппай тау-кен жұмысшылары кәсіподағының мүшелігіне тартылады (X.Ермұратов, Октябрь.).

2. Біреуге жалданып жұмыс істеуші адам, жалшы, күтуші .

Қоншы руынан шыққан Мір Хақберді бек үй ішін, қызметшілерін қалмақ шабуылынан аман сақтау үшін Ыстықкөл жағасына аттанды (I.Есенберлин, Алмас.).

3. а у ы с. Біреудің, я бір нәрсенің тілек-талабын іске асырушы, мүддесін қорғаушы.

Мамыт Зұлқиядан сана- лы жасты, халық мұратының қызметшісін көрді (М.Иманжанов, Таныс қыз.).

Қаби Халиуллин әскери міндетін орындай жүріп, өзінің депутаттық борышын – халық қызметшісі екенін де ешбір есінен шығарған емес (Б.Жетпісбаев, Жорық.).

Ал халық қызметшісі ретінде еңбекшілердің шағым-арыздарын қарап, шешу – қазіргі ең жауапты борыш болып отыр (Жарық жұлдыз).