а) Сойылған қойдың еті.

Қой етінен қуырылған, бұқтырылған, салқын тағамдар, әртүрлі фарш және суп әзірлейді. Қой етінен  мөлдір сорпа сирек әзірленеді, суп жасау үшін, ең дұрысы, жауырын-омыртқа еттерін пайдаланған жөн («Шаңырақ»).

Қой етіне қарағанда сиыр етін көбірек қайнатады. Етті пісіру уақыты малдың түріне, ұша бөліктеріне және ет кесегінің мөлшеріне қарай әртүрлі болады («Шаңырақ»).

Қой етінің ең кәделі, сыйлы мүшелері - бас пен жамбас, одан кейінгісі асық, орта жілік, белдеме, жауырын, сүбе қабырға (Д.Қатран, Қазақ. ас-тағам.).

ә) Сойылған қойдың асылған, пісірілген еті.

Қадиша түні бойы бұрқылдап қайнап, сүйегінен сыпырылып түскенше жидіген қой етін салып әкелді (С.Жүнісов, Ақан сері).

Әлім қарт бас болып, үй іші жас қой етінен жасалған ыстық кеспеге бас қойыпты (С.Шаймерденов, Жыл құсы).