зат. 1. Театрдағы драматургиялық қойылым көрсетілетін, ойын-сауық өтетін орын.

 Жарық сөнеді. Сахнада алакөлеңке бейуақыт (4,203).

Сахнада Айбар. Қаламын үстелге қойып, жазылған шумақтарды алып, оқи бастады (4,243).

2 . ауыс. Бір құбылыстың немесе оқиғаның көрініс тапқан орны, болған жері.

Есімде ессіз менің бала шағым,

Болмасқа әжемменен таласамын.

Қиыры жоқ, даланың сахнасында,

Сағым болып ойнайтын болашағым (1,157).

Өрекпіп бұлттар өткенде сахна – даладан,

Сақтан деп аспан соққанда дойыр – барабан,

Бұғынушы едік бәріміз бірге паналап,

Балапанға ұсап ұямыз бір түп қараған (2,29).