[итал. studio] з а т. 1. Кескіндемеші, мүсінші мен фотограф жұмысына арналған арнаулы орын, шеберхана. Суретшілердің ұлттық кадрларын даярлайтын с т у д и я л а р мен шеберханалар ашылды (Қазақст. бейне.). С т у д и я н ы ң 10 шәкірті бұл күндері Алматыдағы көркемсурет училищесінің студенті («Лен. жас»). 2. Кескіндемеші мен мүсіншілерді даярлайтын оқу орны, мектеп. Эстрадалық с т у д и я әншілері өз репертуарларын көптеген жанрға құрды (I.Омаров, Серпін). 3. Шығармашылық және оқу қызметін жүргізуді мақсат ететін театр ұжымы. Халық театрының жанында жастардың театр с т у д и я с ы жұмыс істейді («Лен. жас»). С т у д и я тек ірі театрларда ғана ұйымдасты (ҚҰЭ).