зат. 1. Туыстас ep адамдаpдың жас жан үлкені.

Қартқожа ағасымен екеуі Қарашоқының бір сайынан күнде сиырларға қорек аршиды (Ж.Аймауытов, Шығ.).

Ағаға сүйеп арқасын, бір іске інің ұрынды (Базар жырау, Шығ.).

Ағадан іні айрылды, атадан ұл,

Ағайын арзандады қымбаттап пұл (М.Дулатов, Шығ.).

Бір іңкәр оймен қадала қарап тұрушы ең тауға еңселі,

Осындай сәтте көруге қандай құштар ем, аға, мен сені (М.Шаханов, Ғасыр.).

2. Жалпы жасы үлкен ер кісіге қаpаmа айтылатын сөз.

Алдыңғы толқын ағалар, Артқы толқын інілер (Абай, Тол.жин).

Ол әрі әке, әрі аға туысқан (К.Аманжолов, Таңд.).

Есімнен мәңгі өшпейтін қимас ағам

Ұясын қыран бүркіт шыңға салған (Т.Айбергенов, Мен саған.).

3. ауыс. Ақылшы, басшы, жemeкшi.

Қазақтың баласы,

Жасы үлкен ағасы,

Бар демес сендей бір,

Адамның баласы (Абай, Тол.жин.).

Жеткен жерім осы еді, Абай аға (М.Әуезов, Абай жолы).

4. Қызмет дәpeжeсi, лауазымы үлкен, жоғаpы адам.

Бригаданың жұмысына басшылық еткен аға жылқышыға айына алты сом қоса есептеледі (А.Шайбеков, Қолхозда.).

Тіпті митингіні сонда істесек қайтеді, - деді Атком ағасы (С.Сейфуллин, Шығ.).

5. Мекеме, ұйым, жиналыс бастығы, басқаpушысы.

Ауылдық кеңес ағасы жиылысты ашық деп жариялады да, болыстан келген әкімге сөз берді (Б.Майлин, Шығ.).

Ол жолғы жиылыста Бұзаубақ мәжіліс ағасы болып сайланып, өзімен тізе тірестіріп бірге отырып еді (Б.Майлин, Шығ.).

Осы қолхоздың басқарма ағасы Махсұт деген ұзын бойлы, таңқы мұрын қара жігіт (Б.Шалабаев, Өмірде.)