lat: JÚHÚD, JUHÚD, JUHUT, JÓIİT, JÓHID, JAHÝT
(ар. иаһуд يهود) – еврей.
Қызына тез жүгіріп келе салып, Жүһүдтің кәпірлікпен айтқан сөзі («Қисса Әбушахма». Бабалар сөзі. 15-том. 2005. 100 томдық).
Базарын жұһүдтердің тамаша етіп, Мұхаммед тақсыр барып қарап көрді («Мұхаммед ғалайссаламның туғаны». М.Жүсіп, ІІ-том, 2003).
Егер де сіздер барсаң, Шам шаһарға, Осыны жұһұдтерден жасыр! – депті («Мұхаммед ғалайссаламның туғаны». М.Жүсіп, ІІ-том, 2003).
Алдынан қарсы шығып бір бай жөйіт оған: – Сатыңыз жусаныңды маған, – депті («Жетім көдек». Бабалар сөзі. 1-том. 2004. 100 томдық).
Дүниеде сол себепті кәпір онша (анша), Насыраны: һунди, жөһид, мұңғыл, тырса («Жан иесі өліп, ғарасатқа тіріліп, Ғазазіл ан хазірет илан үмбеттеріне таласып, имам Ағзам илан имам Шафқа жүгінгені». М.Жүсіп, ІІ-том, 2003).
Соның бәрі тамұқлық жаһут өтті, Кел, енді мұсылман бол, балаларым! («Шаһарбан мен Хұсайын». М.Жүсіп, І-том, 2003).