lat: QURMETTİ
с ы н. 1. Аса қадірлі, ардақты, қадірлі деген мағынадағы ресми қолданыстағы қаратпа атауыш сөз.
– Құрметті ұстаз, күтіп отырмын сізді, – деді Рабиға (Е.Оразақов, Дәрігер.).
Құрметті балалар! Біз республикамыздың жануарлар дүниесімен үстіртін ғана танысып өттік (Б.Мұханов,.. Қазақст. өсімдік.).
– А, Нұрғазин, құрметті жас жұмыскер, амансыз ба?! – деді (Ж.Жұмаханов, Мен жұмысшы.).
2. Қадірлі, сыйлы.
Өзі де оның ұйықтамады бұл күні,
Құлағымда майда қоңыр тұрды үні...
– Сіз боласыз!– деді маған, – Анасы,
Осы Жердің ең құрметті тұрғыны! (C.Жиенбаев, Алтын қалам).
// э к с п р. м ы с қ ы л. Өзін аса қадірменді санаушы .
Біздің құрметті ауылнайымыз шаласауатты адам (Ш.Өтепов, Өшп. жалын.).
Білесің бе, құрметтім ?
Арасында дүрмектің,
Сені ұмuтып кетерімді білмеппін...
– ... Енді, міне, ойланатын күн жетті,
Арасында дүрмектің,
Әлдеқалай жүрмеппін (М.Мақатаев, Шығ.).