lat: Daǵdy
Ұзақ уақыт қайталаудың нәтижесінде машықтанатын іс – қимылдар. Дағдының физиологиялық механизмі – серпінді стереотип . Жануарларда дағды саналы емес. Ол қоршаған ортаға бейімделу, ыңғайлану барысында қалыптасады. Психологиялық механизмі жағынан дағды сол сияқты адамда да пайда болады. Ол жағдайдың нақта ерекшеліктеріне сай машықтанған іс – қимылдар. Дағдының кей біреулері іс – жүзінде бағалы болғанымен, оларда ұғыну әзірше мүмкін болмай отыр, оқытудың қазіргі формалары арқылы басқа адамды оған үйрету қиын. Дағдының ең жоғарғы формасы – адамның бойында болатын, өз компоненттері алдын – ала білінентін, ойланып бөлшектенетін және дағдының қалыптасуының обьективті жағдайының талдап қорытылған ерекшеліктеріне сай келетін жүйелерге бірігуі. Мұндай жағдайда адам дағдыны машықтану мен қолдану процесінде өз іс- қимылдарына саналы түрде бақылау жасау мүмкідігін сақтайды және қажет болған жағдайда оларды біршама оңай өзгерте алады. Дағдыға барлық қызмет түрлері, сыртқы сондай-ақ ішкі қимыл –қарекет қосылады. Дағды адамның шығармашылық қызметінің қорытындысы ғана емес, сондай – ақ шарты болып табылады.