lat: SHÓP
зат. Жер бетінде жап-жасыл болып өсіп тұрған көгорай шалғын.
Тап-таза аспан, тұп-тұнық,
Жап-жасыл шөпке шық тұрып.
Сап-салқын ауа жұттырып,
Айнала тегіс тып-тынық,
Найзағай барып ұқтырып,
Кетпесе екен бұлт тұрып (3,202).
Жылғаның арғы жағында шөп шауып жатқан болар... Кешке қарай жұмыстан қайтқан адамдардың салған әні-ай! (4,227).
// Машинамен, шалғымен шауып алынған мал азығы .
Көршілердің бірі қорасының төбесіне шөп жинауда (4,148).
Әбіт қамытты тізесімен басып тұрып, тамақбауды тартып байлап, қора үстіндегі шөптен шанаға салып жатыр (4,195).