з а т. 1. Тежеу, тоқтам.

– Ойбай-ау, қызға қырық үйден тыйым емес пе (Ә.Нұрпейісов, Сергелдең).

Тілге тыйым болса да, Көзді ешкім тыймайды. Кірпікке ұйқы қонса да, Елестер жетіп, қинайды (К. Салықов, Жезкиік).

2. п е д. Белгілі бір сенімге байланысты рұқсат етілмеген іс-әрекет.

...Орман, тау, жазық, аң иелеріне арнау-арбау оқымаса, олардың қаһарына ілінуі, түрлі аурулардың иелеріне бағышталған дұға, арбауларды білмей қалса, өлімге ұшырауы, түрлі тыйымдар ішінен бірін білмей қалса, тағы да толып жатқан қауіп-қатерге қалуы мүмкін деп ойлаған (Е.Тұрыс, Келіншектау).

Тыйым – жаман, жағымсыз істен аулақ болуды талап ету. Тыйым – тәрбиенің басты тірегі (Қаз. тілі термин. Педагогика.).