пісірілген сүт бетіне түскен маңызы. Піскен сүт суығаннан кейін оның бетіне қаймақ түседі. Сүтті пісірген кезде қаймағы молырақ түсу үшін, оны сапырып, астындағы отты бәсеңдетіп ұзағырақ қайнатады. Түскен қаймақты қалқып алып, жинастырып қояды. Оны шайға қосып ішуге, бидай, тары, талқан бұлғап жеуге пайдаланады. Сонымен бірге, жиналған қаймақты қолмен бұлғап, сары май алады.                                                                                                                                                                                                                                                                  Шикі сүттің бетіне жиналған маңызды кілегей деп атайды. Жиналған шикі кілегейді қайната отырып, үстіне бал, қант, талқан, ұн салып араластырып балқаймақ жасауға болады.