lat: BAB
(пар. баб باب)
1. Күтім, күйін келтіру.
Мақсұты үйір қылмақ бірге сақтап, Тамағын мезгілімен берді баптап («Жетім Мәриям». Бабалар сөзі. 22-том. 2005. 100 томдық).
Сейістер ат жаратқан баптап -таптап, Теңгеріп от пен суын өлшеп, шақтап («Талайлы мен Әйім қыз». Бабалар сөзі. 22-том. 2005. 100 томдық).
Сөздің бабын ашу – сөздің күйін келтіру, қолайлы сөз айту. Аш , бабын сөздің , дүр Омар, Жөн болса сөзің тыңдалар («Омар Шораяқов».
Бес ғасыр жырлайды. ІІІ том. 1985). Бапкер – бабын тапқыш, баптауға шебер адам.
2. Ыңғай, қолай.
Ұрыс майданда Рүстем қуатты, Сахилік бабында хатым һаматлы («Бозұғлан, Ахметбек һәм Жүсіпбек». Бабалар сөзі. 47-том. 2008. 100 томдық).