үст. 1. Қараптан-қарап тұрып, жайдан-жай.

Сол шешілсе, өзгенің бәрі өзінен-өзі шешілгелі тұр (М.Әуезов, Абай жолы).

Сөйлеген сайын өзінен-өзі қызған секілденіп, даусы ашылып, қимылы көбейіп келеді (Ж.Аймауытов, Шығ.).

Даланы қараңғылық басқанда Рахмет өзінен-өзі жылап жіберді (С.Ерубаев, Менің құрдас.).

Теміреткі балада болса, ол емделмесе де, көптеген жағдайда өзінен-өзі жазылып кетеді (О.Бердібаев, Таз тақиядан.).

2. Айтпаса да, онсыз да.

Жоғарыда айтылған сөз тек кино өнері қайраткерлеріне ғана емес, бізге – жазушыларға да тіреп айтылған сөз екені өзінен-өзі белгілі (Ғ.Мүсірепов, Суреткер.).

Сонда бұл аттардың қалай қойылғаны өзінен-өзі түсінікті болмай ма?! (А.Машанов, Жер асты.).