ет. 1 . Бояу жағу; әдемілеу, сәндеу .

«Сол дуалдың ар жағында мәңгі жалын жалаулап,

Мұнараны боямақшы , – деді ұстазым, – алаулап,

Тамұқтың да бір қабаты, міне, ашылды талаурап» (5,40).

2 . ауыс. Басқа түске ендіру, түсін өзгерту.

Құшағымды бояп, міне, қара қызыл қан да ақты,

Жібергем жоқ, жібергім жоқ өмір дейтін жанатты (1,312).

Жасылмен бояп қойған ба?!

Жап-жасыл таудың бөктері,

Қырлар да, мынау ойлар да,

Жап-жасыл болып көктеді,

Соғыстың соңғы көктемі (3,156).

3 . ауыс. Бір нәрсені бүркемелеу, көлегейлеу, жасыру .

Түсінер ме не екенін бақ пен нала,

Боя дейді жалғанды ақпен ғана.

Сезер ме екен білгішім, қайдам, қайдам,

Тұратынын алмасын ақ пен қара (3,92).