зат. 1. Жеке адамның тұрақты түрде ететін еңбегі, істейтін қызметі.

Әкемді неге ұмытам кетпенімен,

Жалаңаяқ жұмысқа кеткенін мен.

Мен үшін, менің алғы күнім үшін

Өткен-ді талай азап өткелінен (1,58).

Күзгі түн.

Тұман, тыныш маң,

Айнала жым-жырт, тым-тырыс.

Күндізгі ауыр жұмыстан

Алған-ау ауыл бір тыныс (2,304).

2. Іс, шаруа, шара.

Айтуынша атаңның,

Күн де ұзарды нар адым.

Жұмысы көп қой апаңның,

Көмектес оған, қарағым (3,286).

Сол – менмін, шолып сендерді,

Жасырып жүзді сендерден,

Қалдырып көркем бейнені,

Жаса деп жанды, ірісін

Сендерден ғана салмақты ой,

Сарыла күту – жұмысым (3,292).