зат. Кейбір химиялық элементтердегі атомдық ядроның күшті жарық (сәуле) шығару арқылы ыдырауы, өздігінен түрленуі.

Полоний мен радийдің, яғни бұл екі элементтің сәулелену құбылысы – радиоактивтілік деп аталады («Қазақст. мект.»).

1898 жылы олар сәуле шығаратын жаңа элемент – полонийді және екінші активті элемент – радийді ашады. Мария Кюри-Складовскаяның ұсынысы бойынша бұл жаңа құбылыс радиоактивтілік деп аталды («Қазақст. мект.»).

Полонийдің көптеген қасиеттері радиоактивтілігі жөнінен уран тобындағыларға жақын. Таза күйінде осы күнге дейін бөлініп алынған емес (А.Мырзабаев, Хим. қызығы).