ет. 1. Бір нәрсеге өрнек түсіру, кестелеу.

Ұлы шешесі немересіне алтынмен шеккен тақия берген (М.Дулатов, Шығ.).

Шегіп шымқай өрнекті

Ертеңгілік, кеште де,

Сыйғызасың жер-көкті

Шәйі-жібек кестеңе (С.Мәуленов, Алыс кет.).

2. Темекіні ішке қарай тарту, сору.

Ұры да бар...

Есікті құлыптарсың.

Ол ғой кілтке кіріптар,

Біліп барсын.

Іштің екен – араққа,

Айналайын,Шектің екен – шылымға кіріптарсың! (Қ.Мырзалиев, Мәңгі.).

Мен сыртқа шығып, шылым шегіп отырдым (У.Уайдин, Ендігі.).

Жігіт екі қалтаға қолын кезек сұғып бірінен темекі, екіншісінен шақпақ шығарып, темекі тұтатып шекті (Ж.Тұрлыбаев, Телқоңыр).