Қуаң, құрғақ жерді игерді, шұрайландырды деген мағынада.

Шөлді енді асау толқын шүленетіп,

Қуатты бір күш оған тартатындай (А.Нысаналин, Сүмбіле.).

Мұхаң айтқандай, шөлді шүлен еткен, жоқты бар еткен, болымсызды мол еткен, біріне-бірі сай, ырыс өлкелеріне келе жатырмыз (Ә.Омаров, Асыл арман.).

Сараң табиғатты табындыру, шөлді шүлен, даланы дәурен ету деген, меңіреуіндегі мүлгіген байлықты меңгеріп, тереңдігі түрлі қазынаны тұрмысқа жарату деген осындай-ақ болмас па (У.Қыдырханов, Шаңқай түс.).

Шөлді шүленетіп жатқан үш аудан сан мыңдаған ер-әйелдің, мектеп балаларының, сансыз көп жастардың және үлкендердің селдей мол күшімен мақта теру жорығында (М.Әуезов).