зат. 1. Тапсырылған іс, жұмыс, шаруа.

Жұмыс ауқымы мұнай-газ өндіру басқармаларының тапсырыс беруімен қамтамасыз етіледі(Егемен Қазақстан).

– Ал енді саған тапсырыс: бұл жерді таста, басқа жердің сүдігерін жырт (А.Жұмаділдин, Құт құбыры).

Райхан қасындағы адамдарға бас-басына жеке тапсырыс берді де, қоштасты (С.Жүнісов Жапандағы жалғыз үй.).

2. Бір нәрсені дайындауды, орындауды, жасауды, табуды тапсыру ісі.

Тапсырыс салондарына тұтынушылар керекті заттарына алдын ала тап¬сырыс бере алады (Қаз. тілі термин. Тамақ.).

Сондай-ақ, типографияның атымен таралымға берілетін тапсырыс нөмірі де жалған жазылған. Бұл қолдан жасалған көшірме («Дала мен қала»).