1 е т. 1. Бытырау, жан-жаққа бет-бетімен кету. Бүгін күндіз Тәкежан үйінде бір топ қонақ болып т а р а ғ а н (М.Әуезов, Ақын аға.). Жүрмісің аман-есен, батыр Сәтім, Ілгері болыстардан салтанатың, Сұңқар болып туыпсың Найзабектен, Т а р а й д ы Есенқұлдан арғы затың (Жамбыл, Шығ.). Кездесу аяқталып, оқушылар үйді-үйіне т а р а д ы (Д. Қасенов, Серт). Жазда шәкірттер т а р а п, оқу тоқталады екен (С. Бегалин, Мектеп.). Бәрекелде, Бұл еңбегің жарады! Бірақ одан ұрпақ т а р а п Одан ақын туғанша, Ал ол ақын ата жолын қуғанша, Кеудесіне сидырғанша даланы, Айырғанша ақтан бөліп қараны, Талай өзен тасып өтер, Бәлкім, талай ғасыр өтер – деп, Қайырхан жасқа толып жанары Отырарға қимай, ұзақ қарады (М.Шаханов, Ғасыр.). 2. Етек алу, жайылу. Сауытбайдың аулында мектеп ашылды деген лақап т а р а ғ а н еді (С.Көбеев, Орындалған арман). Бір күні «көмекке әскер келеді екен», – деген хабар т а р а д ы (Ә. Нұрпейісов, Сергелдең). Сөз мал емес, айдаттырып алып, жинап әкеп қораға қайта қамап тастайтын. Ол қолға түспеді, құлақ пен тіл бар жерде т а р а й береді (З.Ақышев, Жаяу Мұса). Атпаған таңнан шашырап алуан нұр көзге, Қаз қанат әуен жатады т а р а п үйлерге. Жетеді кезек бір кезде «Аврораның» даусымен жеткен күйлерге (Т.Айбергенов, Мен. ғашық.). 3. Сіңу, ену. Жылағанды тоқтатып, Ынсап қылсаң жарайды, Қоймасаң қайғы ауыр боп, Тұла-бойыңа т а р а й д ы (Абай, Тол. жин.). Жайлы қымыз баяу қызумен бойға т а р а п, жұртты кең әңгіме, келісті ұзақ мәжілістерге жетелегендей (М. Әуезов, Ақын аға). Никотин темекі түтінімен араласып денеге т ар а й д ы. (Е. Оразақов, Дәрігер.). Оттегі барлық денедегі клеткаларға т а р а й д ы (А.Дайыров, Хирург.). 4. а у ы с. Басылу, айыру, сейілу. Біраздан кейін Итбайдың ашу бұлты т а р а п, ақылы сабасына құйыла бастады. «Енді қайтем?» деп ойлады ол (С.Мұқанов, Ботагөз). Көңілімді торлай бастаған тұман т а р а п көкірегімдегі Ақбаянға деген махаббат күні қайта шықты (І.Есенберлин, алтын құс.). Өтті күндер, өтті түндер; Соғыс бұлты т а р а д ы; Жас қарағай тамыр жайып, Жапты кайта даланы (С. Мәуленов, Магниттау).