lat: ÁIGİLİ
с ы н. 1. Белгілі, танымал.
Келгендер бітім іздеп Рүстемге,
Қапыда қолға түсіп болды пенде.
Сыпырып атын, тонын жалаңаштап
Масқара қылды әбден әйгілі елге (І.Жансүгіров, Шығ.).
Кентауым,
Қазығұртым,
Қара- тауым,
Әулиеата - әйгілі ақ отауым,
Тойға шашу жіберіп, торқа жауып,
Әлдилеп жатыр бөрі Алатауын.
Арыма,
Оңтүстігім - бақ Отаным (М.Мақатаев, Шығ.).
2. Даңқты, атақты, айтулы.
Ақыл жастан шығады, асыл тастан,
Арнасына сарқады өзен тасқан.
Менің атым - әйгілі Балуан Шолақ,
Ерегескен дұшпанның көңілін басқан (Балуан Шолақ).