1 з а т. 1. Заттар құрамындағы су. Ы л ғ а л тамақ өнімдерінің құрамында мол болады және оның сақталуына әсер етеді (Қаз. тілі термин. Тамақ.). Ы л ғ а л сол заттағы судың массасын жалпы ылғалды зат массасына бөлгенге тең (Қаз. тілі термин. Тамақ.). 2. Құрамында суы мол топырақ, дымқыл ауа. Бұршақ дақылдары ы л ғ а л д ы өз салмағынан екі еседен артық керек етеді (К.Боранғазиев, Жем шөп). Овощ дақылдары топырақтағы ы л ғ а л д ы ң мол болуын сүйеді (Ботаника). Құрғаса батпақ алабы, Ы л ғ а л ы бірақ қалады (Маржан сөз). 3. а у ы с. Көздің жасы. Біз емес, барлық ауыл жұбағандай, Бір өзің барлық үйден шығар жандай. Қарасам көзіңе мен тұрды сонда – Мөлдіреп, дөңгеленіп ы л ғ а л бардай (М.Құттықов, Ар-намыс). 4. а у ы с. Су, сусын деген мағынада. Есік қаққан, кіріңіз. Сапаекем ғой, Сұлу мұртты десек бір жас екен ғой, «Келген жыры», «Кек жыры» қолыңызға Жаңа жылға көтерген тост екен ғой, – Десіп түгел қуанып қалысып ек, ішінде түк ы л ғ а л жоқ бос екен ғой… (А.Тоқмағамбетов, Дария сыры).